ပြည်ထောင်စုဝန်ကြီး နော်စူစင်နာလှလှစိုး Seminar on Restoration of Democracy, Peace and Freedom in Myanmar တက်ရောက်ဆွေးနွေး

ပြည်သူလူထုမှ ရွေးချယ်တင်မြှောက်ထားသော ဒေါ်အောင်ဆန်းစုကြည် ဦးဆောင်သည့် ပြည်သူ့အစိုးရထံမှ လက်နက်အားကိုးဖြင့် စစ်တပ်မှအာဏာလုယူမှု ၂နှစ်ပြည့်သည့် ၂၀၂၃ခုနှစ်ဖေဖော်ဝါရီလ(၁)ရက်နေ့ (ဗုဒ္ဓဟူးနေ့) တွင် အမျိုးသားညီညွတ်ရေးအစိုးရ ဂျပန်နိုင်ငံဆိုင်ရာ ကိုယ်စားလှယ်ရုံးနှင့် မြန်မာ့ဒီမိုကရေစီအရေးကို အားပေးထောက်ခံသော လွှတ်တော်အမတ်များ သမဂ္ဂမှ ကမကထပြုလုပ်ပြီး ဂျပန်နိုင်ငံလွှတ်တော်အမတ်ရုံးအဆောက်အဦးအတွင်း မြန်မာ့အရေးကြားနာပွဲတရပ်ကို ကျင်းပခဲ့ပါသည် ။

အဆိုပါအခန်းအနားသို့မြန်မာ့ဒီမိုကရေစီအရေးကို အားပေးထောက်ခံသော လွှတ်တော်အမတ်များ သမဂ္ဂ ၏ ဥက္ကဌနှင့် အဖွဲ့ဝင်များ၊အတွင်းရေးမှူးနှင့်အဖွဲ့ဝင်များ၊ဂျပန်နိုင်ငံခြားရေးဒုဝန်ကြီးနှင့်ဒါရိုက်တာအဖွဲ့ဝင်များ၊အမျိုးသားညီညွတ်ရေးအစိုးရ အမျိုးသမီး၊လူငယ်နှင့်ကလေးသူငယ်ရေးရာဝန်ကြီးဌာန၊NUG နှင့်ဂျပန်နိုင်ငံဆိုင်ရာဆက်သွယ်ရေးတာဝန်ခံပြည်ထောင်စုဝန်ကြီးနော်စူဇန်နာလှလှစိုးနှင့်NUG နိုင်ငံခြားရေးဒုဝန်ကြီးဦးမိုးဇော်ဦး၊

ဖိတ်ကြားထားသော ကုလသမဂ္ဂအဖွဲ့အစည်းများမှ တာဝန်ခံများ၊သံတမန်များ၊ဂျပန်အသိပညာရှင်အတတ်ပညာရှင်များ၊မြန်မာ့အရေးကိုထောက်ခံအားပေးနေသောဂျပန်အဖွဲ့အစည်းအသီးသီးနှင့်၊အမျိုးသားညီညွတ်ရေးအစိုးရဂျပန်နိုင်ငံဆိုင်ရာရုံးအဖွဲ့ဝင်များ၊ ပြည်တွင်းပြည်ပမှ မြန်မာနိုင်ငံသားများက ကိုယ်တိုင်ကိုယ်ကျသော်လည်း Zoom ဖြင့်သော်လည်းကောင်း တက်ရောက်ခဲ့ကြပါသည်။

ထိုကြားနာပွဲအတွင်း မြန်မာ့အရေးကို ဂျပန်အစိုးရအနေဖြင့် တွန်းအားပေးဆောင်ရွက်နိုင်ရန်အတွက် ဂျပန်အထက်/အောက်လွှတ်တော်အမတ် ၅၆ ဦးနှင့် မြန်မာ-ဂျပန်လူမျိုးများ​၏ လက်မှတ်ရေးထိုးတောင်းဆိုထားသော တောင်းဆိုလွှာနှင့် ဂျပန်ရောက် မြန်မာလူမျိုးများကို ကိုယ်စားပြုသော သဘောထားထုတ်ပြန်ချက် အသီးသီးကို ဂျပန်နိုင်ငံခြားရေး ဒုဝန်ကြီးထံသို့ ပေးအပ်ခဲ့ကြပြီး အသေအချာအကောင်အထည်ဖော်ပေးဖို့ လေးလေးနက်နက် တောင်းဆိုခဲ့ကြပါသည်။ ထို့နောက် တက်ရောက်လာသူများမှ အာဏာသိမ်းထားသည့် ၂ နှစ်တာကာလ မြန်မာနိုင်ငံ​၏ အခြေအနေများကို ရှင်းလင်းခဲ့ကြပါသည်။